കലയപുരം: 93-ാമത് സാധു കൊച്ചുകുഞ്ഞ് ഉപദേശി മെമ്മോറിയൽ കൺവൻഷൻ 2026 ഡിസംബർ 09 ബുധൻ മുതൽ 13 ഞായർ വരെ സീയോൻകുന്ന്, കലയപുരത്തുള്ള സാധു കൊച്ചുകുഞ്ഞ് ഉപദേശി മെമ്മോറിയൽ സെന്ററിൽ നടക്കും.
മാർത്തോമ്മാ സഭയുടെ ആത്മീയ പിതാവും കേരളത്തിലെ ഉണർവ്വിന്റെ വക്താവുമായിരുന്ന സാധു കൊച്ചുകുഞ്ഞ് ഉപദേശിയുടെ സ്മരണാർത്ഥം എല്ലാ വർഷവും നടത്തിവരുന്ന ഈ കൺവൻഷൻ ആത്മീയ ഉണർവ്വിനും വിശ്വാസ ജീവിതത്തിന്റെ പുതുക്കത്തിനും വേണ്ടിയാണ് സംഘടിപ്പിക്കുന്നത്.
കൺവൻഷനിൽ റൈറ്റ് റവ. ഡോ. തോമസ് മാർ സെറാഫിം എപ്പിസ്കോപ്പ, മോസ്റ്റ് റവ. ഡോ. യുഹാനോൻ മാർ ക്രിസോസ്റ്റമോസ് മെത്രാപ്പോലീത്ത, വെരി റവ. മാത്യു ജോൺ, വെരി റവ. സഖറിയാ എബ്രഹാം, റവ. അലക്സാണ്ടർ തോമസ്, റവ. ചെറിയാൻ, റവ. ഫാ. രാജു മരോട്ടിക്കുടിയിൽ, റവ. സാം കെ. ചെറിയാൻ തുടങ്ങിയവർ പ്രസംഗിക്കും.
പ്രാർത്ഥനാ യോഗങ്ങൾ, വചന പഠനം, ഗാനശുശ്രൂഷ, കുട്ടികൾക്കും യുവജനങ്ങൾക്കും പ്രത്യേക യോഗങ്ങൾ എന്നിവ കൺവൻഷന്റെ ഭാഗമാകും. കേരളത്തിന്റെ വിവിധ ഭാഗങ്ങളിൽ നിന്നും വിദേശത്തു നിന്നുമുള്ള ആയിരക്കണക്കിന് വിശ്വാസികൾ കൺവൻഷനിൽ പങ്കെടുക്കും.

