പി പി ചെറിയാൻ
വാഷിംഗ്ടൺ ഡി സി :ഗ്രീൻ കാർഡ് പോളിസിയിൽ കൂടുതൽ വിശദീകരണവുമായി യുഎസ് ഇമിഗ്രേഷൻ അതോറിറ്റി (USCIS)ട്രംപ് ഭരണകൂടത്തിന്റെ പുതിയ ഗ്രീൻ കാർഡ് നയം മൂലം വിദേശത്തുപോയി സ്ഥിരതാമസത്തിന് അപേക്ഷിക്കേണ്ടി വരുമെന്ന ആശങ്കയിലായിരുന്ന H-1B വിസക്കാർക്ക് ആശ്വാസമായി യുഎസ് ഇമിഗ്രേഷൻ അതോറിറ്റി (USCIS) പുതിയ വിശദീകരണം നൽകി.
സാമ്പത്തിക നേട്ടമുണ്ടാക്കുന്ന അല്ലെങ്കിൽ രാജ്യതാത്പര്യത്തിന് മുൻഗണന നൽകുന്ന അപേക്ഷകൾ സമർപ്പിച്ച H-1B വിസക്കാർക്ക് നിലവിലുള്ളതുപോലെ അമേരിക്കയിൽ തുടർന്നുകൊണ്ട് തന്നെ ഗ്രീൻ കാർഡ് നടപടികളുമായി (Adjustment of Status) മുന്നോട്ട് പോകാൻ സാധിക്കുമെന്ന് അധികൃതർ വ്യക്തമാക്കി. എന്നാൽ മറ്റുള്ളവർ വ്യക്തിപരമായ സാഹചര്യങ്ങൾ കണക്കിലെടുത്ത് വിദേശത്തുനിന്ന് അപേക്ഷിക്കേണ്ടി വന്നേക്കാം. നിയമപരമായ കുടിയേറ്റ പ്രക്രിയ കൂടുതൽ കാര്യക്ഷമമാക്കുന്നതിന്റെ ഭാഗമായാണ് ഈ നടപടിയെന്ന് ഡിപ്പാർട്ട്മെന്റ് ഓഫ് ഹോംലാൻഡ് സെക്യൂരിറ്റി (DHS) അറിയിച്ചു.

