ബെഥേൽ ഗോസ്പൽ അസംബ്ലി 35ാമത് ജനറൽ കൺവെൻഷൻ 2026 ജനുവരി 29വ്യാഴാഴ്ച മുതൽ ഫെബ്രുവരി 1 ഞായർ വരെ ആസ്ഥാനമായ ബെഥേൽ കൺവെൻഷൻ സെന്ററിൽ നടക്കും.
ഇന്ത്യയിലെ വിവിധ സംസ്ഥാനങ്ങളിൽനിന്നുമുള്ള സഭകളിലെ കർത്തൃശുശ്രൂഷകന്മാരും പങ്കെടുക്കുന്ന ഈ മഹായോഗങ്ങൾക്കുള്ള ഒരുക്കങ്ങൾ പുരോഗമിക്കുന്നു. സഭകളുടെ ജനറൽ സെക്രട്ടറി റവ: എം.ഓ. അനിയൻ ജനറൽ കൺവീനറായും, സെക്ഷൻ പ്രെസ്ബിറ്റർമാർ കൺവീനർമാരായും വിവിധ കമ്മറ്റികളുടെ ചുമതലയിൽ ക്രമീകരണങ്ങൾ പൂർത്തിയാകുന്നു.
സഭകളുടെ ഓവർസിയർ റവ. ഡോ. ജോയ്. പി. ഉമ്മൻ ഉദ്ഘാടനം ചെയ്യുന്ന ഈ യോഗങ്ങളിൽ, പാസ്റ്റർ ജോൺസൻ ഡാനിയേൽ, പാസ്റ്റർ കുമാർ ദാസ് ഡി.ജെ., പാസ്റ്റർ കെ. ആർ. മനോജ്,പാസ്റ്റർ ജോസ് ഐകരപ്പടി, മിസ്സിസ് ഗ്രെയ്സ് ഉമ്മൻ തുടങ്ങിയവർ ദൈവവചന പ്രഘോഷണങ്ങൾ നിർവ്വഹിക്കും.
